” غبينة لعشق “
بقلم الشاعر/البوهالي عروب
ايه … آش هاذ لجمال
آش دهاني عليه
حتى كنت مشغول لبال
و فين … فين عقلي كان
سرقت شويفا … طليت
شفتو منور لمكان
بالصوت العالي
گلتها للعيان :
واش هاذ لجمال
حقا مالكو إنسان
نصدق أو نكذب هذا ملاك
يقين الصح
ماشي بهتان
لو أنت بحق و حقيقي إنسان
كلمني
لا تخليني بين سآلي
و جواب منك حيران
لا تبطل كتابي
في سلة المهملات
لا تهمل جوابي
بالهداوا خليني
عفاك ارحم قلبي
مني لنفسي
بيني و بين راسي
گلت مع راسي
بحال هاذ الجمال
أنا ما شفتوش
لو كان جات عيني في عينيه
ترگد عيني و تفيق عليه
لغيري و الله ما نسلم فيه
بحلوف لعاشق
نحلف ما نفلتوش
و يا سعداتو من بيه فاز
علاش لمزاحما
ليه ندعي بنفاعا
منو ما نحرموش
