(أبويا ألغالي ) بقلم…. جيهان موسى الصياد
أبويا ألغالي
هو أللي تعب عليا وربانى
هو أللي كان الحضن الدافى
وعمود ألبيت وسندي وكل أمالي
أنا فاكر لسه وانا كنت صغير
لما أتعب أمي وتشتكي مني
وانت يا أبوبا تقول معلشي
ألواد لسه طفل صغير
براحه عليه بكره هيكبر وهيتغير
ولما كنت أخاف من حاجة
وأجري عليك عشان تحميني
وفي حضنك يا أبا بتخبيني
وتقولى خلاص يا واد متخفشي
خليك راجل وبكره هتكبر
وهتمشي طريقك وكتيير هتعدي
كنت تقولي كلام تنصحني
وتعلمني ألصح وأصلي
وأنى أسامح حتي عدوي
وكبرت معاك وأنت بتحميني
وتعلمني أحافظ علي ديني
وأخاف من ربي وأحفظ سري
وتقولي يا أبني
أوعي تصاحب صاحب سوء
لحسن في طريقه ياخدك وهيمشي
علمتني يا أبا وربتني
واما كبرت وأحتجتك جنبي
مشيت يا أبا وبعدت عني
فجأة لقيتك بتروح مني
كنت مسافر غصب عني
ولما رجعت أقول فين ابويا
راح فين يا ناس سندي وضهري
ولقيت ناس كتير بتصلي
جريت عليهم وانا بدعي في سري
واقول يارب خلي ابويا وخد من عمري
لقيت ابويا راح مني وسابني
وكانت هي دي صدمة عمري
ومن ساعتها أنكسر ضهرى
بقلمي جيهان موسى الصياد
