جربة بلادي…
جربة بلادي يا ما أحلاها
حوته قاروسه والبوري زهاها
كي يعوم في بحر موجها وماها
جربة جزيرة يا ما أشبّك
بحيرتك ورمّانك وزيتونك وعنبك
وتفاح خد بخد يطلب ودّك
جربة بلادي عزيزة وبيّة
ومحلاك كيف تحفلي يا مسمّية
في الحولي الحرير والفوطة الجربية
جربة جزيرة يا ما أجملها
شطوط ساحرة وببوشها ورملها
وغناء بالصوت في أعراسها محفّلها
جربة بلادي أرض عزّتي و أجدادي
نغنّي عليك بالفمّ ونزيد ننادي
كلام زين خارج من أفّادي
جربة بلادي …
#بنت_الجزيرة_الحالمة
#لطيفة_سالم_بوسته
#تونس
