كتبت / سلوى حافظ
ادين بصفتي وشخصي عضو لجنه المرأه المركزيه لاتحاد شباب العمال واقعه التعدى على عروس الإسماعيلية لاللتعدي ولا للعنف ضد المرأه عروس الاسماعلية مشروع قتيلة جديد وأهلها القاتل الأول والمحرض الرئيسي طالما قبلوا بعد كسرة فرحة عمرها وإهانتها في الشارع بالشكل ده يكملوا مع الحيوان اللي “اختاروه لها ” عريس بحجة صلة القرابة والظروف والماديات والعادات والتقاليد البالية، ومن فضلكم لا داعي لأي منشورات ضد البنت لأن بشكل واضح وصريح واضح جدا انها لاحول لها ولاقوة زي غيرها كتير بنات مضطهدين ومظلومين ولاحول لهم ولا قوة، البنت بعد الصلح في الفرح بترقص بدون نفس خاطرها مكسور وقلبها مكسور وفرحتها مكسورة. مفيش أي مبرر في الدنيا يقول إن الأهالي يفرضوا على اثنين يعيشوا مع بعض وهما مش طايقين بعض وينتهي الأمر بجريمة قتل، ثم العريس ده ولا ذكر ولا رجل ولا إنسان ولا حتى يرقى لمرتبة الحيوان ده حاجة كده متتوصفش.. هذا الصلح جنون وهذا الزفاف مشروع جريمة قتل مرتقبة. تسقط كل العادات والتقاليد المجتمعية البالية اللي تهين الإنسان وتكسره وتذله، تسقط كل القيود المفروضة على بنات الاقاليم والأرياف وجعلت منهن أموات على قيد الحياة.
