(أنت ألطبيب )بقلم جيهان موسي الصياد
لملم جروحك
وداوى ألمك
متقلش فلان
هيبقى سندك
الى كنته فاكره
جنبك
هو بأيده كسرلك ضهرك
أوعاك تعشم فى حد
غير ربك
هو أللى سامعك
وأنت بتبكى وحاسس بيك
وشايفك
داوى نفسك من أحزانك
أحضن نفسك
وطبطب عليها
مهما كانت جراحك
بتنزف وألمها صعب عليك
ومهما وقعت وملقتش
حد يسمى عليك
أسند نفسك على جدار بيتك
ومتطلعش منه وتروح لحد
يتحكم فيك
أوعاك تقلل من شأنك
ولا من قيمة قدرك
مهما ألدنيا جات عليك
أنت غالى كتير على نفسك
ومهما قللوا منك أللى حواليك
أمسك قلمك وراجع دفاترك
أحسب فيها أللى ليك
وأللى عليك
شوف مين وقف جنبك
وقت ضيقتك و قام وسندك
وشوف مين قام وسابك
وأتخلى عنك
وشاف دموعك نازله على خدك
ومحسش ولا يوم بيك
ولما تعرف مين حبيبك من عدوك
متزعلش ولا تحزن يوم عليه
ليك رب لو ألعالم كله سابك
هيفضل جنبك وهيراعيك
بقلمى جيهان موسى الصياد
