إيه مشكلتك لما تحلم
كلمات الشاعرة هبه جمال
إيه مشكلتك لما تحلم
وتقول ف يوم بكره هكون
وترفض تعيش يوم مكسور
تختار لنفسك شكل ولون
ايه مشكلتك لما تفكر
وتبني حلمك يوم بعد يوم
حلمك هيبقي حقيقه
بس محتاج تكسر الخوف
تستاهل تبقي كبير
وان الطريق لو طويل آخره فجر منير
سيبك من الاحباط
وارسم حلمك ف كل مكان
سيبك من كلام الناس
دول ما شوفوش حلمك
ولا عاشوا مكانك يوم
احلم …لو شايفوا بعيد
واسعي دي ارض الله واسعه
ما دام جواك امل
لسه الحلم هيكون
ما تحلم …عمره ما كان حرام
العيب انك تعيش عمرك
مستني غيرك يحققلك الاحلام
ايه مشكلتك ف الطموح
لما تقرر تكسر خوفك
ويبقي جواك الف روح
حب وعيش …وحقق أحلامك
واياك تقول الظروف
تبقي لازم تحلم من غير خوف
#للشاعره.هبه جمال
