طعم الذكريات.. من العمر اللي فات
دي حكاية عمر فات
كانت بيوت بسيطة… لكن مليانة أمان
وكانت الضحكة بتجمعنا… من غير أي ميعاد
وكنا نفرح بأقل حاجة… والقلب كان مطمِّن ومرتاح
واللَّمة كانت بالدنيا… وأغلى من أي مكان
والحب ساكن بين القلوب… من غير خوف ولا حرمان
دلوقتي بنجري… والدنيا بتجري بينا
وبندوّر على راحة بال… ضاعت من سنين فينا
يا ريت الزمن يرجّع… ولو لحظة من اللي فات
يمكن نلاقي نفسنا… وسط أجمل الذكريات
يمكن نرجع نضحك تاني… وننسى كل اللي فات
ونعيش العمر اللي باقي… بنفس طعم الذكريات
كانت قلوبنا صافية… مفيهاش غِل ولا عتاب
وكان الخير بين الناس… من غير خوف ولا حساب
وكانت الكلمة الطيبة… تداوي أي انكسار
والفرحة تدخل بيوتنا… من غير باب ولا انتظار
دلوقتي كل واحد… تايه وسط الزحام
بيدوّر على حضن دافي… في دنيا مليانة آلام
ولو يوم يرجع بينا الوقت… هنحضن كل اللي فات
ونحفظ كل لحظة حلوة… قبل
ما تسرقها الحياة
يمكن الزمن ما يرجعش… ولا العمر يعيد اللي فات
لكن تفضل الذكريات… نور بينور كل الأوقات.
كلمات: رامي شيحة
