ورقة شجر
ذكرى وكانت من زمان
اول هدية رسمت فيها قلبنا
اسمك واسمي وحبنا
اول لقاء وسط الورود
وسط الشجر والشمس
تحرس نبضنا
ووقفنا تحت شجرة ظلنا
كانت علامة مميزة
وكان العنوان نفس المكان
وقت العصاري قلبي يسبق خطوته
والشوق يبان جوه العيون
والشمس تفرد ظلها نجري نطير
والحلم يحضن ف الامل
ومكنش فى غير الشجر
ويا الورود هما الشهود
وكتبنا اجمل حلم على ورقة شجر
وعطر الورود والنسمة عدت على الخدود
قالي جمالك اترسم والورد منك أتكسف
