زي النهاردة
زي النهاردة
مصر كانت في اختبار
شعب غاضب؛
جنود بواسل في انتظار
كلمة من قائد عظيم
تحول ليالي الكون نهار
كلمة شرف
كلمة ميثاق رد اعتبار
جشنا رابط ع الحدود
زي الاسود
مستني يرسم في السما
أجمل نهار، زي النهاردة
زي النهاردة
طاروا الصقور عدوا البحور
دكوا الجسور
فرشوا السما فرحة ونور
رايحين يجيبوا أجمل صبية
رسمولها بالدم الزهور
ويسطروا في تاريخ المجد
أعظم عبور؛ زي النهاردة
زي النهاردة
خط بارليف العظيم
اسطورة عدو خاين لئيم
فخر ديان وسند ليهم حميم
رجلنا راحوا دمروه؛ وبعرقهم
وبعرقهم خرموه
خلوه كما التوب القديم.
زي النهاردة
زي النهاردة
شفنا رايا بتترفع وسط الرصاص
شفنا فرحة بتترسم ساعة خلاص
شفنا رجال زي الزهور بتتقتل
لأجل القصاص
شفنا دم واخوتنا سايل ع الرمل
والبسمة خلاص
رسمت على وشه الشهادة والشرف،
ساعة الخلاص، زي النهاردة
زي النهاردة نيران الصبر هبت في الصدور
رايات الحق عليت رفرفت ساعة العبور
زي النهاردة الشعب كله للفدى واقف طابور
زي النهاردة جشنا حارب وانتصر قهر الغرور
زي النهاردة علمنا الدنيا، يعني ايه العسكرية
يعني ايه العسكرية وازاي تعيش زي الطيور
حر طاير في السما، والأرض من صوتك تثور
زي النهاردة جشنا أثبت ان ضباطه اسود
وافراده صقور
زي النهاردة جشنا قال إنك يا مصر
أرض الحضارة، ومجد العصور
. زي النهاردة.
