افتكرني..
بقلم حنان أمين
لما تقسى الدنيا عليك
والحزن يملى عنيك
ومفيش حد يحس بيك
افتكرني
لو غمضت عنيك
وحبست دموعك
ولقتني فى حلم جميل
ولهفه قلبي المشتاق ليك
وسؤالي عليك
افتكرني
كنت فى بعدك احس بهمك
ايدي تطبطب قلبي يضمك
وفى صلاتي ادعيلك
ربى يصلح حالك
افتكرني
لما الالوان فى عنيك تبهت
وكل الاقنعة حواليك تسقط
ومفيش لحياتك معني
افتكرني
يامالك قلبي ووجداني
وساكن روحي واحلامي
كان الحب يجمعنا
من غير تخطيط بعدنا
وافترقنا والوصل والود
بقى ذكري وصعب التلاقي
