ف العالم الافتراضي
ف العالم الافتراضي
زحمة بس الجو هادي
عيد ميلاد على اليمين
إعلانات
معلومات
كله ماشي من سكات
والطريق لحد فين…
ف العالم الافتراضي
كله فاضي
بس عامل فيها قاضي
واحدة قالت
صحبتي أنتي وحياتي
بعد بكرة
تبقى ذكرى
بس من غير أي ماضي
ف العالم الافتراضي
ألف صورة وألف وش
ألف ضحكة وألف نعش
ألف تسبيحة ودعاء
بالحقيقة وبالرياء
شير وممكن ما اتْنَطَقْشْ
ف العالم الافتراضي
صعب تلقِي حد راضي
واحدة زعلانة من اخوها
واللى تمشي ويمسكوها
واللى جوزها مش رومانسي
والل قالت آه يا ضرسي
ف العالم الافتراضي
مستحيل ابدي اعتراضي
احنا زي القطر بيمر ف محطة الانتظار
مستحيل الوقت كله
ف الإساءة والاعتذار
خلي نورك يملا وشك
يكتشق معنى النهار
شكلي صلصال دموعك
واصنعي ضحكة هزار
قولي كل الكون قصادي
ف العالم الافتراضي
العالم الافتراضي..الشاعرة / شيماء حلمي
