الملابس اللي بتحكي عنك من غير كلام
بقلم/ميرنا حسن
عالم الموضه مش بس ألوان وقصات وتصاميم عالم الموضه مساحة صمت بتحكي عن اللي جوه الإنسان قبل ما يظهر للناس كل قطعه بتتلبس مش مجرد قماش على الجسم دي لحظة اختيار لحظة يقول فيها الواحد أنا هنا بطريقة ما حدش يقدر يقلدها أو يحاكيها
الملابس ساعات بتكون صوت صامت يوضح مزاجك ساعات تانية بتكون درع خفيف يحميك من نظرات العالم وساعات خالص بتكون مساحة حرية صغيرة تخليك تحس إنك صاحي رغم الزحمة والضغط واللي مش فاهم ده غالبا فاهم الموضه غلط لأن الموضه مش سباق الموضه تجربة شخصية مش نسخة من حد تاني
الست المصرية عارفه سر الموضه كويس قبل العيد أو أي مناسبة تختار كل حاجه بعناية مش عشان تبهر حد لكن عشان تحس إنها مكمله يومها وحركاتها وابتسامتها الأطفال كمان اللبس الجديد ليهم مش بس لون وصورة كرتونية ده شعور بالتميز وحرية الحركة واللعب والفرحة اللي بتكبر معاهم
كل تفصيله في اللبس بتأثر فيك بطريقة دقيقة طريقة الكم الواسع تخليك تتحرك براحة وطريقة الحزام تخلي جسمك مستقر وطريقة ترتيب الحذاء تخلي المشي أهدى لون معين يغيّر المزاج وخيط صغير يضيف ثقه والملمس نفسه يدي إحساس بالامان كل الحاجات البسيطة دي لها تأثير كبير على شعورك من غير ما حد يلاحظ
الموضه دلوقتي مش بس صناعة للظهور ولا رفاهية الموضه طريقة لترتيب الحضور اليومي ترتيب للطاقة اللي حوالين جسمك ترتيب لخطواتك وانت داخل يوم جديد عالم بيخليك تحس إنك صاحب قرار في شكل يومك حتى لو الدنيا كلها خارجه عن سيطرتك
واللي بيفهم الموضه مش اللي عنده هدوم غاليه اللي بيفهم الموضه هو اللي شايف نفسه في كل قطعه يلبسها مش بيتخبى وراها ولا بيحاربها بل بيخليها امتداد لشخصيته وده سر الموضه اللي ما حدش يقدر يقلده
وفي الآخر الموضه مش مجرد ستايل ولا قماش الموضه خيط صغير ممكن يقلب يوم كامل من تعب لفرحه ثقه من توتر حضور من خجل خيط بيخلينا نعرف إن الجمال مش في شكل اللبس بس الجمال في اللحظه اللي نختار فيها اللبس اللي يعكسنا احنا فعلا ويبدأ يومنا بابتسامة هادئة وروح مرتاحه
