وفاء صديق
الشريف_أحمدعبدالدايم
واتنين عشرتهم طالت
كانوا لبعضهم مخلصين
والقدر أخد منهم واحد
والثاني هيعيش لمين
….**….
إللي عايش بيقول الٱه
على فراق إللي كان معاه
دا أمر عالي أمر الله
ولا في حاجة بالإيدين
….**….
ولما جاني الخبر بالليل
صرخت وقلت يا واحد
قالوا دنيا والدوام للواحد
تماسك يا مؤمن وحَّد الواحد
….**….
أنا أبكي على صديق
بعده ماليش ولا واحد
كان رفيقي والجيب واحد
ومن بعد موته
أقسمت ما أمشي مع واحد
….**….
وكل يوم ساعة الغروب
لمكانه أروح أرفع إيدي للواحد
وأقول ليتني كنت معاه
وكان قبرنا بقي واحد
