حاسة برضا/ كلمات /فاطمة الصعيدى
رغم انتشار الجرح جوه الأورده
حاسه برضا
حاسه بامل
داخل يطبطب على الالم
وبان شمس نهاري لسه مفتّحه
ومروّحه
تحلم ببكره وشاريه فستانها الجديد
لنهار سعيد
تحلف ما تبقى في عز نومها مغمضه
حاسه برضا
حاسه بدفا
رغم القلوب القاسيه لسّه محجره
كان ايه جرى!
من ناحيه تانيه الفرح شايل شنطته وجاي من بعيد
حاسس بعيد
مع إن جرح القلب كان بيّن قوي
بس فضّل يستخبى في الوريد
خايف يا عيني من الهوا
وما هوى
سلم بان الشوق دوا
قرري يخف من الالم
والمساله كات غير كده
حاسه برضا
حاسه بحنين
مع إن نبض القلب سايب مطرحه بين الضلوع
وإيديه بتمسح نهر جاري من الدموع
سمع الأذان والفجر بان
اتوضى من دمعه وصلى ركعتين
سجد الجبين
أصبح إمام
صلّت وراه الافئده
واللحظه دي عاشها برضا
رغم انتشار الجرح جوه الأورده
