رحلة حزن
تأليف / عبدالحق عبده
لما تلاقى الحزن معاك
أصبح والله حقيقة
لما تلاقى الفرح معاك
ضاع معاك فى دقيقة
اوع تنسى أنك يوم
ترجع تانى تفرح وى
زمانك ……
يا اللى عتبت الكل حاسب
والله كلامك ….
اوع تنسى اوع تقسى
سيب الدنيا تصير وياك
سيب حياتك تفرح
رغم الحزن معاك
كل قلوب الناس قسيين
كل كلمك ليه حزين
يا اللى نسيت الفرح معاهم
يا اللى عشت كل قساهم
اوع تصبح يوم وياهم
خلى ضميرك صافى معاهم
اوع تتبدل وياهم ….
خلى معاك الدنيا طريق
للجنة تصبح انسان
شايل جوى القلب حنان
خليك دايما رافع راسك
ربك وياك حيكون دايما
اوع تصبح يوم شيطان
او تتعامل زى ما كانوا
خلى القلب صافى معاهم
اوع فى يوم تكون حيران
كون أنسان بمعنى الكلمة
كون ملاك شايل همة
نور بينور للأكوان
انزع جواك حزن دفين
وأرفع فوق الكون شعار
سيب الدنيا تحبك هى
وخلى الدنيا طريقك نور
وايمانك بالله حيدوم
هى الدنيا تساوى لحظة
تصبح فيها ليه حيران
اوع تعلم قلبك يقسى
او تنسى انك انسان
فيك الخير عايش دايما
فيك طريق منور دايما
اوع تقسى على الغلابان
وكون ليه معين تلاقى
يوم ما تضيق الدنيا عليك
ربك حيوسعها اليك …
كون انسان بمعنى الكلمة
وارفع للخير فيها شعار .
