ياسروزيري
بقى أشكر فيك.. تعيب فيا
وترميني بكل رديّة!
ده أنا شيلتك جوه عيوني،
وكنت الغالي في عينيّه!
يخاف من اللي هدد فيه،
ويجري يظلم اللي شاريه!
ده هددك.. خفت من بطشه،
فقمت عليّ أنا ترميه!
تسمع لكلام كل كداب،
وتفتح للنميمة باب!
خلاص.. أنا سايبك لضميرك،
بكرة الأيام تبين لك:
مين اللي شاري ومين بايع،
ومين كان فى الأصل بيضلك!
ده كان بيمشى بين الناس
يقول عليك فى كلام
يقول جعجاع يقول نخاع
ومايقدر عليا
دا انا ياما هنا وهناك
ولو شاطر يورينى
تقوم تسمعله وتثبتله
إنك فعلا متقدرشى
وتيجى عليا أنا،
دا أنا اللى كنت برد غيبتك
لما كان يجيب سيرتك
طلع معاه الحق ومش ف مقدرتك
وقال نخاع وقال جعجاع
طلع الكلام صح ياواد وطلعت أى كلام
وطلع معاه الحق خلاص وصدق لما قال إنك تخاف منه ، وإنه كاسر سنك .
عجبى على الزمن والناس
اللى كانت فوق وصبحت تحت التراب مرمية ، ……
وعجبى
#ياسر_وزيري
