بفتكرك…
كأنك فيا،
ساكن فـ نبضي،
ماشي فـ دمي،
وتعيش جوا عيوني
حتى لو غبْت عني.
بفتكرك…
كأنك أنفاسي،
كل مرة أتنفسك
وأرجع أشتاقلك أكتر.
بفتكرك…
مش كغايب،
لكن كحاضر في كل تفصيلة،
في ضحكتي، في حزني،
في الأماكن اللي حبيناها سوا.
بفتكرك…
كأنك عمري التاني،
اللي ما اتكتبش،
بس أنا عايش جواكى
بفتكرك…
حتى في منامي،
تيجي ملامحك وسط الحلم
زي نسمة دفا
تطبطب على قلبي وتروح.
أشوفك…
تبتسم لي كأنك لسه بتحب،
تمد إيدك
كأنك عمر ما غبت.
بفتكرك
لما الليل يطول
ولما الدموع تبقى على طرف العين،
في كل لحظة سكون
وفي كل دقة حنين.
بفتكرك
كأنك فيّا.
