خطوات لا تعود
بقلم/نشأت البسيوني
كل إنسان في حياته خطوات مش ممكن يرجع فيها مهما حاول ومهما تمنى ومهما تبدلت الظروف لأنها خطوات غيرته من الداخل وغيرت نظرته للدنيا وغيرت طريقه بالكامل الخطوات دي يمكن كانت في لحظة غضب أو لحظة ضعف أو لحظة تحدي لكنها صارت جزء من تاريخه جزء من شخصيته جزء من النضج اللي وصل له من غير ما يقصد ومع مرور الوقت يدرك الإنسان أن في طرق
معينة ما ينفعش يمشي فيها مرتين وأن في قرارات محددة لو رجع بيه الزمن هيتردد قبل ما يعملها لكنه مع ذلك يعرف أنها كانت ضرورية وأنها كانت السبب الحقيقي في شخصيته الآن ويبدأ يفهم أن بعض الخطوات اللي اعتبرها خسارة كانت في الحقيقة حماية وبعض الخطوات اللي ظن أنها انتصار كانت مجرد تجربة بتكشف له قيمة ما يملك وبعض العلاقات اللي انتهت فجأة كانت نهاية
محتومة ما كانش هيشوفها وهو جوة المشهد وبعض الأصوات اللي اختفت كانت لازم تختفي علشان يسمع صوته الداخلي بوضوح ويعرف هو مين ورايح فين وبيحاول يبقى إيه وكل ما يكبر الوعي يكبر الإحساس بأن خطواته اللي فاتت كانت مكتوبة له بشكل ما وأنه حتى الأخطاء اللي ندم عليها كانت بوابة لفهم نفسه بشكل أعمق وأصدق ومع زيادة الخبرة يبدأ الإنسان يختار خطواته
الجديدة بعقل أكبر وفهم أوسع ما عاد يجري وراء أي شيء ولا يصدق أي شيء ولا يعطي الفرص بسهولة صار يعرف أن الناس يتغيرون وأن النوايا تتقلب وأن الأقنعة ممكن تلبس ببراعة وأن الحياة نفسها تتغير في ثانية واحدة ولأن الخطوات اللي فاتت علّمته كل هذا صار يمشي وهو شايف بوضوح أكبر عارف الفرق بين من يستحق البقاء ومن يستحق الرحيل بين من يضيف لحياته ومن
يأخذ منها بين الطريق اللي يرفعه والطريق اللي يسحبه للخلف
وتتكون جوّاه قناعة قوية أنه مش لازم نرجع لكل شيء فقدناه ومش لازم نندم على كل باب اتقفل ومش لازم نلوم نفسنا على كل خطوة ما كانتش كاملة لأن الحياة أصلا مبنية على خطوات ناقصة وأبواب مقفولة وطرق بنمشيها من غير ما نعرف نهايتها ومع ذلك نكمل لأن في داخل كل إنسان ضوء صغير بيقول له كمل ضوء
بيظهر وقت التعب ووقت الحيرة ووقت الزحمة ووقت الانهيار ويشد الإنسان من حتة كان يظن أنه مستحيل يقوم منها يفهم الإنسان أن أجمل ما في الحياة أنك تمشي خطوات ما ترجعش فيها مش لأنها كانت غلط لكن لأنها كانت الدرس اللي فتح لك الطريق اللي بعده الطريق اللي يشبهك الطريق اللي يناسب حقيقتك واللي يكمل شخصيتك واللي يخليك تعرف قيمتك وتعرف أنك مهما كنت
فاكر إن الحياة كسرتك فهي في الحقيقة كانت بتصنعك خطوة بعد خطوة تجربة بعد تجربة خسارة بعد خسارة لحد ما وصلت للشخص اللي كان لازم تكونه من زمان لكنك ما كنتش شايف نفسك كويس
