قصيدة
المحاكم والقضاة
بقلم…. خالد الجمال
المحاكم والقضاة
والإمام قام الصلاة
الصف فاضي مش مهم
بس كل شئ يتم
ما احنا صناع القضية
………
الرجال مالهم حقوق
والنساء هما اللي فوق
والبلد منهم تدوق
فساد معشش في الشقوق
هي دي أجمل هدية
………
فين قانون الإنسانية
دنيا رايحة وآخرة جاية
ليه تحرف في القضية
وتطمع الست البغية
والولاد هما الضحية
… ….
قنن براحتك ما تشاء
بلدنا زاد فيها البلاء
والطلاق جاب الوباء
والشباب فقدوا الوفاء
يتحبس وملوهش دية
……….
القاضي قالها أه سمعنا
القانون هو اللي بعنا
الحكم بيه ملوهش معني
م الظلم والله احنا شبعنا
والنصوص بقت غبية
……….
القضية انتهت
والمحاكم فلست
عايزة دعم وقصة تانية
يبقي ليها حكم جاهز
يبعد الظلم عن الضحية
……
الأديب الشاعر والسيناريست
خالد يس الجمال
