الغيرة
تاليف / عبدالحق عبده
عجيبة فى الحياة حواء
وفيها من العجب مكتوب
تحب بقلبها قوة
وفيها الغيرة محسوبة
واوع فى يوم تتعجب
على فستان لصحبتها
او للمدح يا أخينة
تقول مكياجها كان مظبوط
او لعينها راح تمدح
او تمدح كلام غيرها
شهور تعيش فى حال مقلوب
واخطر شئ يا صحبى
تمدح اكل من غيرها
تلقى السم صار محطوط
او فى يوم تقول كانت
تكلمنى بنت الخالة والعمة
تصحى فيك جروح طابت
وتصبح فيك سنين غارت
وحزن العمر صار محسوب
وخلى بالك يا صحبى
على مر السنين دايما
حتلقى سؤال بيتكرر
ليه حبك قليل ليها
لما تقول بحبك
تلقى عنيها بدور
على كل الكلام منك
وترجع تانى وراح تسأل
ايه حال زميلتك قول
وانت بحسن النية
تقول كنا بنفطر يوم
وقالت الزميلة كلام
وكان الفرح ليه شغال
تشوف الويل يا صحبى
على كل الطريق موال
وأذا كان الكلام بنكم
خلى كل كلامك
على فستنها جميل خالص
وكل الدنيا ما تساوى
نظرة من عينيها كمان
تلقى البسمة وياها
وتنسى الغيرة فى الموال .
