لما الطفل يبقى كبير قبل أوانه
بقلم: دعاء شعبان
من سلسلة: وجع في المجتمع
في أطفال ما عاشوش طفولتهم.
طفل بيشيل مسؤولية أكبر من سنه.
بنت بتقوم بدور الأم لإخواتها.
وولد بيتعلم بدري يعني إيه فلوس، ومسؤولية، وخوف على البيت.
الناس بتبص لهم وتقول:
“ما شاء الله… ده طفل يعتمد عليه.”
لكن محدش بيسأل:
“هو كان نفسه يبقى طفل؟”
كان نفسه يلعب؟
كان نفسه يغلط من غير ما يخاف؟
كان نفسه ينام وهو مطمن إن حد أكبر منه شايل عنه الدنيا؟
مش كل طفل ناضج…
أحيانًا هو فقط مضطر يكون ناضج.
وعلشان كده، لو عندك طفل شايل فوق طاقته، متكتفيش إنك تقول له:
“إنت راجل.”
قوله كمان:
“ماتخافش… أنا موجود.”
لأن الطفل محتاج يحس إنه محمي…
مش إنه المسؤول عن حماية الجميع.
دعاء شعبان
وجع في المجتمع… بنحكي الوجع اللي محدش شايفه.
