هامت ليالي التيه.
هامت ليالي التيه على غصنك الدبلان
شارد سفينك في بحر الوجع مأسور
وفين حظك أنت من قلب ثار بركان
وكل ما أهرب من حظي ألأقي سور
ومين يقدر دا يعدي من قبل الأوان
ولا من رجفات قلبك من ٱنينا يثور
ليه قلبي يعيش وسط الأنام حرمان
وليه أحلامو ما بين دروبه دهور
وأنت اللي فارش قلبك ظلال بستان
ولما جنيت أنت لقيت كل قلوبهم بور
ومين يشفع للغريب حيرته وأحزان
ومين من بحرك يعدي بيك لجسور
ومابين خوف الليالي ووله عطشان
ليه هجرك الهوي بوجدانك المكسور
وأنا اللي دميت قلبي بحر ملو شطئان
وتاهت مني خطوتي بالفيافي ندور
ومين يحس يوم في جعبة النسيان
همسك وخطراتك ساكنة مابينها سطور
هامت ليالي التيه على غصنك الدبلان
والعمر عدا علي جدران زماني شهور
هامت ليالي التيه. محمود محمد مطاوع
