* لسه ليك مكان*
بقلم الشاعر/ محسن غواني
قابلتك مرة وقلبي اتشد
من يومها مابقتش أعرف أهدى
بضحك مع الناس بس جوا السد
حكايتك ساكنة ومش بتتردى
حاولت أنسى وقلت خلاص فات
وبنيت حواليا ألف حيطة
لقيت اسمك بيجي في الكلامات
ويكسر في ثانية كل الخيطة
مش عايز أرجع بس قلبي ضعيف
قدام ذكرى لسه بتندهلي
بقول نسيت وقلبي مش خفيف
بيرجعلك تاني ويقولك تعالي
غيّرت أماكن وبدلت ناس
وقفلت على حكايتنا بقفل
بس كل مكان فيك حاجة بتقاس
وألاقي روحي معاك بتكمل
لو شفتك صدفة في يوم عابر
هسلم وأعدي زي الغريب
بس جوا قلبي لسه المسافر
راجعلك رغم كل النصيب
مش طالب رجوع ولا وعد تاني
بس طالب تفتكر إني كنت
أصدق واحد حبك وعاني
ومشي وسابك وإنت ما انتبهت
لو حصل وبقيت يوم لوحدك
وبالليل حسيت بالسكون
افتكر إن في حد بيحبك
وساكت بس قلبه مفتون
